Biografia

Na e momentunan akí e biógrafo merikanu Kathleen Brandt-Carey ta traha riba un biografia di George Maduro. E buki titulá ‘Kabayero sin temor ni tacha’ ta sali dia 15 di yül 2016. E dia ku George Maduro lo a kumpli 100 aña. E biografia ta sali publiká na editorial Unieboek|Spectrum.
Kathleen Brandt-Carey ta deskribí George Maduro su bida kòrtiku pero intensivo ku hopi sintimentu pa ambiente i detaye: su añanan komo mucha na Kòrsou, su amigunan superior na Den Haag i Leiden, su gran i dushimarga amor, Hulanda bou di okupashon i e movementu di resistensia. E ‘Maduro’ tras di Madurodam ta resultá di ta un yònkuman kompleho, kariñoso i inspirador, pa ken idealnan tabata mas importante ku seguridat i ku hasta bou di e sirkunstansianan di mas teribel no tabata pèrdè kurashi. Tur esaki ta bin dilanti den un biografia koutivante di un hèroe di guera simpátiko.

Kathleen Brandt-Carey ta un outor ku tin mas buki riba su nòmber. E ta famia leu di George Maduro.
E biografia di 368 página ta sali na hulandes i na ingles i ta optenibel na e eksposishon.

Kathleen Brandt, outor di e biografia George Maduro

“Aunke e no a enkontrá amor berdadero, sí el a enkontrá amistat berdadero i esei a forma su bida i algun biá tambe salba su bida (ora el a bai biba na skondí) E mes tambe tabata un bon amigu: ‘un amigu di bèrdat’, manera un di su amiganan a bisa. “Amistat berdadero ta un arte; e tabata poseé e arte akí.”